محمد عادل إمام يعلن أن مسلسله «رقم واحد في رمضان»: «شكراً ليكم جميعاً»

وجه الفنان محمد عادل إمام، الشكر لجمهوره ومتابعيه، لاحتفائهم بنجاح مسلسله «النمر»، كما وجه الشكر لكل فريق عمله بالمسلسل.

وقال محمد عادل إمام عبر حسابه على موقع «فيس بوك»: «شكراً ليكم جميعاً انكم خليتوا مسلسل #النمر الأعلى في #رمضان_٢٠٢١ وسط المنافسة الشرسة دي ، كلامكم الجميل و حبكم ليا اللي بشوفه في كل حتة بحمد ربنا عليه كل يوم ..

شكراً لكل فريق العمل اللي شاركني المسلسل ، النجاح ده بتاعكم انتم ، بحبكم من كل قلبي ..

شكراً لفريقي الخاص ، رجالتي و اخواتي اللي شايليني و في ضهري ..

شكراً لمراتي ، سنَدي و ام بناتي ، انتي كل حاجة ..

و اخيراً شكراً لأمي ، كل اللي انا فيه ده بسبب دعواتك ..

كل سنة وانتم طيبين .. #عيد_سعيد عليكم جميعاً ..

اشوف وشكم على خير ان شاء الله